Liburutegi Zerbitzua

ZER AURKI DAITEKE BERTAN?

• Egunkariak eta aldizkariak
• Entziklopediak, hiztegiak, urtekariak, atlasak...; gai ezberdinetako dokumentuak
• Literatura
• Komikiak
• Herri bilduma
• Ikus-entzunezkoak

ZEIN ZERBITZU ESKAINTZEN DITU SUTEGI UDAL LIBURUTEGIAK?

• - Informazioa: katalogoak kontsultatuz, txartelak jarraituz, liburuzainei galdetuz.
• - Dokumentazio guztiaren kontsulta.
• - Mailegua eta erreserba, bazkide eginez.
• - Liburutegi elektronikoa: internet, wi-fi, ofimatika, multimedia (zerbitzu hau erabili ahal izateko 6-16 urte bitartekoek gurasoen baimena beharko dute).
• - Jarduerak: erakusketak, ipuin-kontaketak, bisitaldi gidatuak, tailerrak...
• - Bertako dokumentuen fotokopia zerbitzua.

MAILEGU-ARAUAK

• Mailegu zerbitzua erabili ahal izateko:
  • Izena eman, izen-emate orria betez (16 urtetik beherakoen kasuan, izen-emate orria gurasoek sinatu beharko dute).
  • Helbide edo telefonoa aldatuz gero, edota bazkide-txartela galduz gero, liburutegiko langilearei jakinarazi behar zaio.

Liburutegian jasotako bazkide-txartela Euskadiko Udal Liburutegien sare guztian erabili ahal izango da (Donostian eta Bilbon izan ezik), eta beharrezkoa izango da mailegu zerbitzua erabiltzeko. (ikusi www.liburutegiak.euskadi.net/katalogobateratua)

• Maileguan har daitekeen dokumentu kopurua:
  • Zure liburutegian, 3 liburu (15 egunetan), eta 3 ikus-entzunezko (7 egunetan).
  • Sareko beste liburutegietan, beste 10 dokumentu gehiago (5 liburu eta 5 ikus-entzunezko).

• Epe-luzapenak: Dokumentu guztien epea behin luza daiteke (liburutegian bertan, telefonoz, internetez), erreserba duten dokumentuak eta epez kanpo daudenak izan ezik.

• Erreserbak: Liburutegian bertan edo telefonoz egin daitezke.

• Isunak: Dokumentuak itzultzeko epeak betetzen ez dituen erabiltzaileak atzeratutako egun eta dokumentu bakoitzagatik egun bateko zigorra jasoko du, eta sare osorako izango da.

IZEN-EMATEAK MATERIALA ZAINTZEAREN KONPROMISOA ETA ARAU HAUEN ONARTZEA DAKAR:

ARAUDI OROKORRA

Liburutegia guztiona da, horregatik:

• - Bertako dokumentuak, instalazioak eta zerbitzuak egoki erabili
• - Errespetuz jokatu beste erabiltzaileekin eta liburutegiko langileekin
• - Liburutegian denok gustura egon gaitezen ixiltasuna garrantzitsua da, eta giro lasaia mantentzea beharrezkoa da
• - Ez erabili telefono mugikorrik
• - Higieneagatik, ez jan, ez edan eta ez erre

Horiek guztiak betetzen ez badira, liburutegiak bere esku dauden neurriak har ditzake (zerbitzuak erabiltzetik baztertzea...).